Chat with us, powered by LiveChat

IPTV HUNGARY

by srakute
0 comment

Yaar maine abhi Gulabo Sitabo dekha aur Yaar maine abhi Gulabo Sitabo dekha aur mereko apne house hunting ke horror days yaad aa gaye yaar Matlab, kya torture hota hai house hunting, Aap ek naye sheher me jaate ho, aapko rehne ke liye ghar chahiye, aap bolte ho koi owner se mila do Owner se aap mil hi nahi sakte, Aap ko pehle milna padega broker se Agni pariksha dena padega uske samne aag me jaal jao tabhi jaake woh aapko ghar dikhaayega Broker ka kaam kya hai? Broker ka kaam hai bike pe bitha ke tumko pura Mumbai darshan karayega Bolega, yeh dekhiye Sea Link Yeh dekhiye Marine Drive Maza aa raha hai? Tum bolega ghar dikhao, toh “Aap ke budget me ghar hai nahi.

” Tum thoda budget badhate, “Sir aur thoda daalo.

” Yaar ghar toh dikha do Fir aapko kachre ka dibba dikhayega, tum bole yaar, “Thoda aur budget le lo.

” Fir who dikhayega ek ghar jo khaali bathroom hai.

“Yahi pe so jaiye aap, bathroom me hi so jaiye.

” “Subah uthke naha lena aur nikal jaana yaha se, kya dikkat hai.

” Tum bolega, “Arrey bhai, please bhai, ek ghar dikha de.

” “Jisme bed daalke so jau yaar mai.

” Woh aur budget double karayega salary ka double tum rent me de rahe hai Uske baad tum finally ek ghar pe settle karta hai, not because ghar accha hai, because zindagi kharab hai Yeh zindagi kharab hai, jo de raha hai le lo Fir tu jata hai uske owner ko milna ke liye Me toh bhai owner se milna kafi honour ka baat tha mera liye mai naha dhoke tel lagake baal kangi karke, perfume lagake Yahaan tak blood test bhi kar liya tha maine bhai landlord ko koi dikkat nahi hona chahiye Mai jaake waha pohocha, toh landlord bolta hai “Hum tumko ghar denge hi nahi kahe ki tum bachelor hai” Toh kya shaadi karke paida hou ka mai? Kabhi na kabhi toh bachelor rahega na aadmi? Unko lagta hai unka 1BHK na Taj Mahal hai, jiske Badshah banke baithe hue hai woh log Ghar ka koi bhi flaw hoga na, feature banake ginate hai bhai wolog Wolog bolega, “Suno, hamare ghar me ek bohot hi sahi cheez hai” “Subah 9 baje se shaam ko 5 baje tak paani nahi aata.

” “Acha sir, koi aur achche gun hai aapke ghar ke?” “Shaam ko 5 baje se subah ke 9 baje tak paani nahi aata.

” “Acha sir, theek hai, mai waise bhi nahata toh nahi tha, ab bina paani piye jee luga.

” “Kya hai, jab man karega, tab monsoon me hi paani piuga aur kya.

” “Mai clouds se aise aise karke clouds se thoda condensation karake paani pi luga, ” “aur fridge ke andar mai chaat chaat ke baraf se paani pi luga.

” “Koi dikkat nahi hai, mujhe bas ghar de dijiye.

” Aur owner log ka teen favourite shabd hota hai “Permission hamara lagega.

” Har cheez me permission lagega bhaiyya Keel thokne ke liye permission hamara lagega Anda khareedne jaaoge na, permission hamara lagega Abe kaunsa toothpaste use kare, woh bhi bata do na Permission Hamara Lagega Fir tum bolta theek hai sir, chalega merako Merako bas ghar me rehna do Woh bolta “Advance lagega kya pata tum mera ghar tod ke chale gaye toh” Sir kaha se bulldozer launga tumhara ghar todne ke liye “Nahi tum advance de do” “Sir kitna advance?” “Tumhaare baap ke paas kitna paisa hai?” “Thoda bohot hai.

” “Woh saara paisa de do aur tumhaara baap bhi de do merako.

” “Tum kuch kiya toh hum tumhaare baap ko jail me daal dege.

” Aur fir pata chalega ke ghar ke andar flatmate baitha hua hai Rakesh the chooha Chooha baitha hua hai choohiya ke saath, do bachche hai unke, school jaate hai, hum do, hamaare do gaate hai raat ko aake.

Pest control ko call karta hai tum Pest control wala bolta hai, “Sir, kal aate hai.

” “Kal aate hai, kal aate hai, kal aate hai, kal aate hai.

” 30 di, 40 din, 50 din, 60 din 60 din baad pest control aata hai, tum bolta hai, “Bhaiyya, please yeh choohe ko maaro.

” Who bota hai, “Sir, hum khaali cockroach maarte hai.

” Cockroach maarta hai toh chooha nahi maarta hai yeh konsa punya kama liya bhai tumne? Choohe ko kisi tarah pakadke bahar nikaalta hai Ghar ko sajaata hai, aaram se.

Bolta hai, yeh sahi hai Ab mai rahuga iss ghar me Uss hi din tumhaara agreement khatam ho jaata hai Phir se! Broker ke peeche baith ke bike pe ghumte raho Toh yaar agar iss gusse se aap relate karte ho toh Amazon Prime Video pe aa chuka hai Gulabo Sitabo, Dekh lo, bohot maza aayega Lagta hai landlord ne sun liya bhai.

You may also like

Leave a Comment